ᐋᓐᓂᐊᓯᐅᖅᑏᑦ ᐊᑐᖅᑐᐊᖁᔭᐅᒐᔪᓲᖑᔪᑦ ᐃᓪᓗᓂᒃ ᓱᓇᒃᑯᑖᖃᑦᓯᐊᖅᑐᓂᒃ. ᓄᒃᑎᑎᓪᓗᑎᑦ ᓇᖕᒥᓂᖅ ᐱᖁᑎᒋᔭᑎᑦ ᐊᒻᒪᓗ ᓱᓇᒃᑯᑖᑎᑦ ᓄᓇᕗᒻᒧᑦ ᐊᑭᑐᔪᕐᔪᐊᕌᓘᒍᓐᓇᕐᒪᑕ.
ᐃᓪᓗᓕᕆᓂᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᒻᒪᓗ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐃᑲᔪᖃᑦᑕᓲᑦ ᐋᓐᓂᐊᓯᐅᖅᑎᓂᒃ ᓇᔪᕐᓂᐊᖅᑕᖏᓐᓂᒃ ᕿᓂᕈᔾᔨᓪᓗᑎᒃ. ᓄᓇᕗᓕᒫᒥ 56-ᓂᒃ ᐃᓪᓗᐃᑦ ᑐᕌᖓᑎᑕᐅᔪᑦ ᐋᓐᓂᐊᕕᖕᓂ ᐃᖅᑲᓇᐃᔭᖅᑎᒻᒪᕆᐅᔪᓄᑦ ᐊᒻᒪᓗ ᑖᒃᑯᐊ ᓴᓂᕐᕙᖅᑕᐅᓯᒪᒧᑦ ᐱᖓᓱᓂ ᐊᕕᑦᑐᖅᓯᒪᓂᕐᓂ ᐋᓐᓂᐊᖅᑐᓕᕆᔨᐅᔪᓂ - ᕿᑭᖅᑖᓗᒃ, ᑭᕙᓪᓕᖅ ᐊᒻᒪᓗ ᕿᑎᕐᒥᐅᑦ. ᑖᒃᑯᐊ ᐃᓪᓗᐃᑦ ᐊᖏᕐᕋᑦᓴᐅᔪᑦ ᓈᖕᒪᒐᔪᑦᑐᑦ ᐃᓪᓗᖃᕆᐊᓕᓐᓄᑦ ᑎᑭᖃᑦᑕᖅᑐᖁᑎᑦᑎᓐᓄᑦ ᐋᓐᓂᐊᓯᐅᖅᑎᓄᑦ. ᐅᓄᖅᑐᑦ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᒻᒪᕆᐅᔪᑦ ᐃᖅᑲᓇᐃᔭᖃᑦᑕᖅᓯᒪᔪᑦ ᓄᓇᕗᒻᒥ ᐊᑯᓂᐅᔪᖅ ᓇᖕᒥᓂᖁᑎᖃᐅᖅᑐᑦ ᐃᓪᓗᓂᒃ ᐊᑕᐅᑦᑐᓂᒃ ᐅᕝᕙᓘᓐᓃᑦ ᐱᔪᒪᒍᑎᒃ, ᐊᖏᔫᑕᐅᓂᖅᓴᓂ ᓄᓇᓕᓐᓂ, ᓇᖕᒥᓂᕆᔭᐅᔪᓂᒃ ᐊᑐᖅᑐᐊᓲᖑᔪᑦ
.ᐃᓪᓗᖁᑎᒋᔭᐅᒐᔪᑦᑐᑦ ᐊᑕᐅᓯᕐᒥᒃ, ᒪᕐᕉᓐᓂᒃ ᐊᒻᒪᓗ ᐱᖓᓱᓂᒃ ᐃᓪᓗᕈᓯᓖᑦ/ᖃᕆᐊᓖᑦ ᐊᑕᐅᑦᑐᓃᑦᑐᑦ, ᐊᑕᐅᑦᑑᓐᓂ ᐃᓪᓘᓐᓂ, ᐱᖓᓱᓂ ᐊᑕᐅᑦᑐᓂ ᐊᒻᒪᓗ ᐃᓪᓗᖁᑎᒋᔭᐅᔪᓂ ᓄᓇᓕᓐᓄᑦ. ᐃᓪᓗᐃᑦ ᐊᓯᖏᓐᓄᑦ ᐊᑐᖅᑐᐊᖅᑐᑦ ᐃᓪᓗᒋᔭᐅᒐᔪᐃᑦᑐᑦ, ᑭᓯᐊᓂᓕ ᐃᓚᖏᑦ ᑕᕝᕙᓂᑦᓴᐃᓐᓇᖅ ᐃᓪᓗᒥᐅᖃᑎᒌᒋᐊᖃᓲᖑᔪᑦ. ᐊᔪᕐᓇᖏᓐᓂᓕᒫᖓᒍᑦ ᐊᖏᕐᕋᑖᖅᑎᑕᐅᓯᒪᒐᓱᐊᓲᖑᔪᑦ ᐃᓄᖏᓐᓄᑦ ᓈᖕᒪᑦᑐᓂᒃ.
ᐊᑐᖅᑐᐊᕈᑏᑦ ᐃᑲᔪᖅᑕᐅᔪᒻᒪᕆᐊᓗᐃᑦ ᒐᕙᒪᓄᑦ. ᑭᓯᐊᓂᓕ, ᐋᓐᓂᐊᓯᐅᖅᑏᑦ ᐊᓯᖏᓐᓃᖔᖅᑐᑦ ᑲᓇᑕᒥ ᓄᓇᓂᒃ ᐊᑐᖅᑐᐊᕈᑎᖏᓐᓂᒃ ᐊᑦᓯᑐᒻᒪᕆᐊᓗᓐᓂᒃ, ᑖᒃᑯᐊ ᐋᓐᓂᐊᓯᐅᖅᑏᑦ ᐊᑭᑐᓈᕆᒐᔭᖅᑐᑦ ᐊᑐᖅᑐᐊᕈᑎᖏᓐᓂᒃ ᖁᑦᓯᓂᖅᓴᒻᒪᕆᐊᓘᓂᖏᓐᓄᑦ ᐊᑭᓕᖅᓲᑎᒋᓲᖏᓐᓂᒃ. ᓱᓇᒃᑯᑖᖃᖅᑎᓪᓗᒍ ᐊᖏᕐᕋᖅ ᐊᑐᖅᑐᐊᕈᑎᖃᕋᔪᑦᑐᑦ:
ᐊᑕᐅᓯᕐᒥᒃ ᐃᓪᓗᕈᓯᓕᒃ - $1,200
ᒪᕐᕉᓐᓂᒃ ᐃᓪᓗᕈᓯᓕᒃ - $1,500
ᐱᖓᓱᓂᒃ ᐃᓪᓗᕈᓯᓕᒃ- $1,800
ᐃᓘ ᓱᓇᒃᑯᑖᖃᖅᑎᑕᐅᓲᖑᔪᖅ, ᓵ/ᑭᐳ ᐃᒃᓯᕙᐅᑕᖏᓪᓗ, ᐃᑦᓯᕙᐅᑖᓗᐃᑦ ᐊᒻᒪᓗ ᐃᑦᓯᕙᐅᑕᑲᓪᓚᐃᑦ, ᐃᓪᓖᑦ, ᐊᒧᔫᑦ, ᓂᓪᓕᓇᖅᑐᒃᑯᕖᑦ, ᐃᒐᔾᔪᑏᑦ, ᐅᐊᓴᕈᑎ/ᐸᓂᖅᓰᕕᒃ ᐊᒻᒪᓗ ᖃᐅᒻᒪᖅᑯᑏᑦ. ᐃᓘᒧᑦ ᓱᓇᒃᑯᑖᖃᖅᑎᑕᐅᒍᑕᐅᓲᖑᓐᖏᑦᑐᑦ ᑰᖃᕐᕕᒃᓯᐅᑎᓂᒃ ᓲᕐᓗ ᓂᕐᕆᑏᑦ, ᑲᑭᐊᒐᓚᐃᑦ, ᐅᒃᑯᓰᑦ ᐊᒻᒪᓗ ᓵᑦᑑᔭᐅᑏᑦ, ᓯᕙᔮᖅᑎᑦᓯᒍᑏᑦ, ᑳᐱᓕᐅᕈᑏᑦ, ᐊᓯᖏᓪᓗ.
ᐃᓚᖏᓐᓂ ᐅᖅᑰᔾᔪᑏᑦ ᐃᓚᓕᐅᔾᔭᐅᓯᒪᓲᑦ ᐊᑭᓕᖅᓲᑕᐅᔪᓄᑦ. ᐊᑐᖅᑐᐊᖅᑐᖅ ᐊᑭᓕᖅᓱᐃᒋᐊᖃᓲᖅ ᐆᒻᒪᖅᑯᑎᖏᓐᓂᒃ ᓲᕐᓗ ᖃᐅᒻᒪᖅᑯᑏᑦ, ᐃᒥᖅ ᐊᒻᒪᓗ ᑭᓈᓗᒃ, ᐅᖄᓚᐅᑎ, ᑲᐃᐳ ᑕᑯᓐᓇᕈᓐᓇᐅᑦ ᐊᒻᒪᓗ ᖃᕆᓴᐅᔭᒃᑯᑦ ᐃᑭᐊᖅᑭᔾᔪᑎ.
ᐋᓐᓂᐊᓯᐅᖅᑏᑦ ᐃᓱᒪᖅᓲᑎᖃᕈᓐᓇᓲᑦ ᓂᕈᐊᖅᓯᒪᔭᒥᓂᒃ ᐊᑐᖅᑐᐊᕈᒪᔭᒥᓂᒃ ᐃᓪᓗᓯᐅᑎᓕᒻᒥᒃ ᐃᓪᓗᓯᐅᑎᖃᓐᖏᑦᑐᒥᓪᓘᓐᓃᑦ. ᑕᖅᑭᑕᒫᖅᓯᐅᑏᑦ ᐊᑐᖅᑐᐊᕈᑎᖏᓐᓄᑦ ᐊᑐᖅᑐᐊᕈᑎᖏᑦ ᐊᑭᑭᓪᓕᒋᐊᖅᑕᐅᓯᒪᓲᑦ $40-ᒥᒃ $90-ᒧᑦ ᓱᓇᒃᑯᑖᖃᓐᖏᑦᑐᓄᑦ.
ᐊᑐᖅᑐᐊᕈᑎᓄᑦ ᐊᑭᓕᖅᓱᐃᑎᑕᐅᓲᑦ ᑮᓇᐅᔾᔭᒃᓴᐅᑎᖏᓐᓂᒃ ᐲᔭᖅᑕᐅᓪᓗᑎᒃ.
ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐃᑲᔪᕈᓐᓇᓲᖑᔪᑦ ᐃᓪᓗᒥᐅᖃᑎᑖᕈᒪᔪᓂᒃ ᐊᑭᑭᓐᓂᖅᓴᐅᖁᓪᓗᒍ ᐊᑐᖅᑐᐊᕈᑎᖓ ᐊᑭᓕᖅᓱᕆᐊᖃᖃᑦᑕᖅᑕᒥᓂᒃ.
ᐋᓐᓂᐊᓯᐅᖅᑏ ᐊᑐᖅᑐᐊᖁᔭᐅᒐᔪᑦᑐᑦ ᓱᓇᒃᑯᑖᓕᓐᓂᒃ ᓇᔪᒐᕐᓂᒃ. ᓄᒃᑎᕆᓂᖅ ᐱᖁᑎᓂᒃ ᐊᒻᒪᓗ ᐃᓪᓗᓯᐅᑎᓂᒃ ᓄᓇᕗᒻᒧᑦ ᐊᑭᑐᔪᕐᔪᐊᕌᓘᒍᓐᓇᕐᒪᑦ. ᐋᓐᓂᐊᓯᐅᖅᑏᑦ ᖃᖓᑕᓲᒃᑯᑦ ᑎᑭᑎᑕᐅᖃᑦᑕᖅᑐᑦ ᓇᑦᓴᕈᓐᓇᖅᑎᑕᐅᓲᑦ ᐅᖁᒪᐃᓐᓂᖃᖅᑐᓂᒃ ᐃᒪᓐᓇᓂᒃ ᐃᑲᔪᖅᑕᐅᓪᓗᑎᒃ, ᒪᓕᓪᓗᒋᑦ ᐊᖏᕈᑕᐅᓯᒪᔪᑦ ᔫᓂᐊᒃᑯᑎᒍᑦ, ᑭᓯᐊᓂᓕ ᑖᓐᓇ ᐅᓄᕐᓂᖓ ᒥᑦᓴᐅᓯᒪᓐᖏᓯᐊᖅᑐᖅ ᓄᒃᑎᕆᓂᕐᒥᒃ ᐃᓪᓗᒥᐅᑕᓕᒫᓂᒃ.
ᑕᒪᓐᓇᑦᑕᐅᖅ ᐊᑐᖅᑕᐅᒐᔪᒻᒥᔪᖅ ᐅᑕᖅᑭᓂᒃ ᐊᕐᕕᓂᓕᓐᓅᖓᔪᓂᒃ ᐱᓇᓱᐊᕈᓯᕐᓂᒃ ᐱᖁᑎᒋᔭᐅᔪᓂᒃ. ᐊᓪᓛᑦ ᐱᖁᑎᑎᑦ ᐊᐅᓪᓚᖅᑎᒐᓱᐊᕐᓂᕋᓗᐊᕈᕕᒋᑦ ᖃᖓᑕᓲᒃᑯᑦ ᓯᕗᓪᓕᐅᔾᔭᐅᔭᕆᐊᓕᒃᑰᑎᓪᓗᒋᑦ ᐃᑭᒪᔪᓂᒃ ᐱᒐᓚᖏᓐᓂᓪᓗ ᓯᕗᓪᓕᐅᔾᔭᐅᔾᔮᖏᑦᑐᑦ ᐊᒻᒪᓗ ᓄᑦᑎᕐᓂᖅ ᓂᒐᕕᓗᖅᑯᑕᖃᖃᑦᑕᓲᖑᒻᒥᔪᖅ ᐊᔾᔨᒌᓐᖏᑦᑐᑦ ᖃᖓᑕᓲᑦ ᐊᓯᐊᓅᖃᑦᑕᕐᓂᖏᓐᓄᑦ. ᐋᓐᓂᐊᓯᐅᖅᑏᑦ ᓄᓇᕗᒻᒧᑦ ᓄᒃᑎᓂᐊᖅᑐᑦ ᐊᑐᕆᐊᓕᒻᒥᓂᒃ ᓇᑦᓴᖃᑦᑕᖁᔭᐅᓲᖑᕗᑦ ᐱᒐᓚᒋᓗᒋᑦ ᑎᑭᓐᓂᐊᓕᕈᓂ. ᐸᕐᓇᓯᒪᑦᓯᐊᕆᐊᖃᕐᓂᕐᒧᑦ ᒪᓕᒋᐊᓕᒃ, ᐴᖅᑲᐃᓯᒪᒋᐊᖃᖅᑐᑎᑦ ᓅᖃᑕᐅᓂᐊᕈᕕᑦ ᐊᓯᓄᑦ - ᑕᒪᒃᑯᐊ ᓇᑦᓴᖃᑦᑕᕆᐊᓕᑎᒃ ᓂᕿᓕᐅᕈᑏᑦ, ᐊᓇᕐᕕᑦᓯᐅᑏᑦ, ᐊᓐᓄᕌᑦ, ᐊᒻᒪᓗ ᐊᓯᖏᑦ ᖃᐅᑕᒫᖅᓯᐅᑏᑦ ᐊᑐᖅᑕᐅᖃᑦᑕᕆᐊᖃᓲᑦ.
ᐸᕐᓇᓯᒫᓂᓐᓂᖅ ᓯᕗᓂᐊᒍᑦ ᐊᑐᖃᑦᑕᕆᐊᓕᓐᓂᒃ ᐃᓪᓗᒧᑦ ᐱᔨᑦᓯᕋᐅᑎᓂᒃ
ᐃᓪᓗᓕᒫᑲᓴᑦ ᓇᓪᓕᐅᒃᑯᒫᖃᓐᖏᑎᑕᐅᓲᖑᒐᓗᐊᑦ, ᑭᓯᐊᓂᓕ ᐋᖅᑭᑦᓱᐃᖃᑎᖃᕆᐊᖃᕐᓂᐊᖅᑐᑎᑦ ᐆᒻᒪᖅᑯᑎᓄᑦ ᐊᐅᓚᔪᓐᓇᐅᑎᓕᕆᔨᐅᔪᓄᑦ ᑲᒻᐸᓂᖏᓐᓄᑦ.
ᖃᐅᒻᒪᖅᑯᑏᑦ ᑲᒪᒋᔭᐅᔪᑦ ᓄᓇᕗᒻᒥ ᖃᐅᒻᒪᖅᑯᑎᓕᕆᔨᖏᓐᓄᑦ. ᑲᓱᖅᑎᑕᐅᒐᔪᓲᖑᔪᑦ ᑎᑭᒃᑳᖓᕕᑦ, ᑭᓯᐊᓂᓕ ᐊᑏᑦ ᐃᓕᓯᒪᔭᕆᐊᖃᕐᓂᐊᖅᑕᐃᑦ.
ᐅᖄᓚᐅᑎᓄᑦ ᐃᑭᐊᖅᑭᔾᔪᑎᓄᓪᓗ ᐱᔨᑦᓯᕋᐅᑏᑦ ᑲᒪᒋᔭᐅᓲᑦ ᓄᐊᔅᕕᔅᑎᐊᒃᑯᓐᓂᒃ. ᐋᖅᑭᒋᐊᖃᕐᓂᐊᖅᑕᑦ ᐊᑐᖅᑐᐊᕈᑏᑦ ᐊᒻᒪᓗ ᐋᖅᑭᑦᑕᐅᑎᓪᓗᒍ ᑲᓱᖅᑎᑦᓯᒍᑎᖓᓄᑦ. ᐃᑉᐱᐊᔪᒻᒥᒐᐃᑦ ᐅᖄᓚᐅᑏᑦ ᐱᔪᓐᓇᖅᑐᑦ ᐃᖃᓗᓐᓃᓐᓇᖅ, ᑲᖏᕐᖠᓂᕐᒥ ᐊᒻᒪᓗ ᐃᖃᓗᑦᑑᑦᑎᐊᒥ ᐊᒻᒪᓗ ᐃᑉᐱᐊᔪᒻᒥᒐᐃᑦ ᐅᖄᓚᐅᑦ ᓄᓇᕗᒻᒥ ᐱᔪᓐᓇᕈᑎᖃᓐᖏᑐᐃᓐᓇᕆᐊᓕᒃ
ᑲᐃᕗ ᑕᑯᓐᓇᕈᓐᓇᐅᑦ ᑕᓚᕖᓴᒃᑯᑦ ᐊᑐᐃᓐᓇᐅᒻᒥᔪᖅ ᓄᓇᓕᒃᑎᒍᑦ ᓄᓇᓕᓐᓂ ᑲᒪᔨᒋᔭᐅᔪᑎᒍᑦ.
ᐃᒥᕐᒧᑦ/ᑭᓈᓗᓐᓄᓪᓗ ᐱᔨᑦᓯᕋᐅᑏᑦ ᐋᖅᑭᑦᑕᐅᓯᒪᔪᓐᓇᖅᑐᑦ ᓄᓇᓕᐸᐅᔭᒃᑯᑎᒍᑦ ᕼᐊᒻᓚᑦᑯᑎᒍᓪᓘᓐᓃᑦ.
ᐃᓚᖏᓐᓂ ᓄᓇᓕᓐᓂ ᓂᐅᕕᖅᑎᒃᑯᑦ ᐅᕝᕙᓘᓐᓃᑦ ᑯᐊᐸᒃᑯᑦ ᐃᑲᔪᕈᓐᓇᓲᖑᔪᑦ ᐋᖅᑭᑦᓱᐃᒍᔾᔭᐅᓗᑎᒃ ᑕᒪᒃᑯᓂᖓ. ᑕᒪᒃᑯᐊ ᐆᒻᒪᖅᑯᑏᑦ ᐊᐅᒃᑕᔫᖃᕆᐊᖃᓲᑦ ᐅᕝᕙᓘᓐᓃᑦ ᓇᓪᓕᐅᒃᑯᒫᓂᒃ ᐴᖅᓯᑐᐃᓐᓇᕐᓗᑎᑦ.
