ᓄᓇᕗᑦ ᐋᓐᓂᐊᓯᐅᖅᑎᖏᑦ ᐃᓅᓯᖃᑦᑕᐅᓂᕐᒥᒃ ᓴᖅᑭᐅᒪᑎᑦᓯᓂᖅᓴᐅᕙᑦᑐᑦ ᖃᐅᑕᒫᖅ.
ᐃᖢᐊᖅᓴᐃᔩᑦ
ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐊᖏᔪᒻᒪᕆᐊᓘᔪᑦ ᐊᕙᖕᒧᓕᖓᓪᓗᑎᓪᓗ ᓴᖅᑭᐅᒪᑎᑕᖏᑦ ᐱᓕᕆᐊᒃᓴᑦ ᐱᔨᑦᓯᕋᐅᑏᓪᓗ ᐅᑯᓄᓐᖓᖓᔪᑎᒍᑦ:- ᐋᓐᓂᐊᕐᕕᓕᐊᖅᑕᖅᑐᓄᑦ ᐋᓐᓂᐊᕕᓪᓚᑦᑖᓂᓗ ᐃᖢᐊᖅᓴᐃᓂᖅ, ᑕᒪᒃᑮᓐᓄᑦ ᐅᓂᒃᓯᒪᔪᓄᑦ ᑐᐊᕕᕐᓇᖅᑐᓕᕆᐊᓄᓪᓗ
- ᐃᓚᒌᓂᒃ ᐱᔨᑦᓯᕋᐅᑏᑦ
- ᐃᓱᒪᓕᕆᓃᑦ
- ᐃᖢᐊᖅᓴᐃᔨᒃᑯᑎᒍᑦ ᖃᐅᔨᒪᔭᐅᒋᐊᒃᑲᓂᖅᑎᑦᓯᓂᖅ ᐊᒻᒪᓗ ᐅᖑᒪᑦᓯᓂᖅ
- ᐋᓐᓂᑦᑕᐃᓕᒪᔾᔪᑏᑦ ᑎᒥᒃᑯᑦ
ᐱᓕᕆᕝᕕᐅᔪᖅ ᖃᐅᔨᓇᓱᐊᖏᓐᓇᖃᑦᑕᓲᖑᔪᖅ ᓄᑖᓂᒃ ᐊᒻᒪᓗ ᓴᖅᑭᐸᓪᓕᐊᔪᑎᒍᑦ ᐊᐅᓚᑦᓯᓂᕐᒥᒃ ᐃᖢᐊᖅᓴᐃᓂᕐᒥᒃ ᓄᓇᕗᒻᒥ ᐊᖏᔪᕐᔪᐊᒻᒪᕆᐊᓘᑎᓪᓗᒍ ᐊᒻᒪᓗ ᓯᕕᑐᔪᒻᒪᕆᐊᓘᑎᓪᓗᒍ ᓄᓇᖓ. ᐅᖓᓯᑦᑐᒥᒃ ᐃᖢᐊᖅᓴᐃᒍᑕᐅᔪᖅ ᖃᕆᓴᐅᔭᒃᑯᑦ ᐊᑐᐃᓐᓇᐅᒪᑎᑕᐅᒻᒥᔪᖅ ᓄᓇᓕᓐᓂ ᐊᔾᔨᒌᓐᖏᑦᑐᓂᒃ ᐊᒥᓱᕐᔪᐊᓂᒃ ᐃᖢᐊᖅᓴᐅᑎᓂᒃ, ᐃᓄᓕᕆᔨᔾᔪᑎᓂᒃ ᐊᒻᒪᓗ ᐱᔨᑦᓯᕋᐅᑎᓂᒃ ᖃᕆᓇᐅᔭᒃᑰᕈᓐᓇᐅᑎ ᑕᑯᓐᓇᖃᑎᒌᓪᓗᓂ ᑕᒪᒃᑮᓐᓄᑦ ᓄᓇᒋᔭᐅᔪᑎᒍᑦ ᐊᒻᒪᓗ ᓯᓚᑖᓄᑦ ᓄᓇᒋᔭᐅᔪᒥᒃ.
ᐱᓕᕆᕝᕕᐅᔪᖅ ᐃᖅᑲᓇᐃᔭᖃᑎᖃᖃᑦᑕᖅᑐᖅ ᒐᕙᒪᑐᖃᒃᑯᓐᓂᒃ ᐊᐅᓚᑦᓯᔾᔪᑎᓂᒃ ᐱᓕᕆᐊᒃᓴᑎᒍᑦ ᓲᕐᓗ ᓯᕗᓂᖃᑦᓯᐊᖅᑐᓕᕆᓂᕐᒧᑦ ᐱᓇᓱᐊᕈᑕᐅᔪᖅ ᐋᖅᑭᒋᐊᒃᑲᓐᓂᕈᑎᒃᓴᓂᒃ ᑎᒥᒃᑯᑦ, ᐃᓱᒪᒃᑯᑦ ᐃᓅᖃᑎᒌᓐᓂᒧᓪᓗ ᖃᓄᐃᓐᖏᑲᓐᓂᕈᑎᒃᓴᓂᒃ ᓄᓇᕗᒻᒥᐅᓄᑦ, ᑲᓇᑕᒥ ᓯᖓᐃᔪᑦ ᑎᒥᒧᑦ ᐊᑐᕐᓂᓕᓐᓂ ᓂᕆᖃᑦᑕᕆᐊᖃᕐᓂᖏᓐᓄᑦ ᐱᓕᕆᐊᖑᕙᑦᑐᖅ ᑮᓇᐅᔭᖅᑑᑎᖃᖅᑎᑕᐅᕙᑦᑐᖅ ᓄᓇᓕᓐᓃᑦᑐᓄᑦ ᑲᑐᔾᔨᖃᑎᒌᖑᔪᑦ ᒪᓂᒪᑎᑦᓯᒍᑎᖏᓐᓂᒃ ᐱᓕᕆᐊᒃᓴᓂᒃ ᐱᔨᑦᓯᕋᐅᑎᓂᓪᓗ ᖃᓄᐃᔾᔪᑎᖃᕈᓐᓇᖅᑐᓄᑦ ᓯᖓᐃᔪᓄᑦ. ᐊᐅᓚᔾᔭᐃᒋᐊᖅᓯᒪᔪᓂᒃ ᑲᑐᔾᔨᖃᑎᒌᑎᒍᑦ ᐱᓕᕆᕝᕕᐅᔪᒃᑯᑦ ᐃᖅᑲᓇᐃᔮᖃᖃᑦᑕᖅᐳᑦ ᓱᕐᕋᐃᒍᓐᓇᖅᑐᓂᒃ ᓲᕐᓗ ᓱᐴᖅᑐᖃᑦᑕᖅᑐᑦ ᓄᖅᑲᕈᑎᒃᓴᖏᓐᓂᒃ, ᓯᖓᐃᒋᔭᐅᔪᑦ ᓱᕐᕋᑦᑕᐅᓯᒪᒍᓐᓇᕐᓂᖏᓐᓂᒃ ᐃᒥᐊᓗᒻᒧᑦ, ᐃᖕᒥᓃᑦᑕᐃᓕᒪᒃᑲᓐᓂᕈᑎᒃᓴᑦ ᐅᖑᒪᑦᓯᔾᔪᑏᑦ ᐊᒻᒪᓗ ᐃᓱᒪᒧᑦ ᑭᒍᓯᕆᓂᕐᒧᓪᓗ ᐃᖢᐊᖅᓴᐅᑏᑦ. ᐃᖢᐊᖅᓴᐃᔩᑦ ᓴᖅᑭᐅᒪᑎᑦᓯᓂᖏᑎᒍᑦ ᖃᐅᔨᔭᐅᑎᑦᓯᒐᓱᐊᒃᑲᓐᓂᖃᑦᑕᕐᓂᖏᑦ ᐃᖢᐊᖅᓴᐅᑕᐅᔪᓐᓇᖅᑐᑎᒍᑦ ᖃᓄᐃᓐᖏᔾᔪᑕᐅᒃᑲᓐᓂᕈᓐᓇᖅᑐᓂᒃ ᐱᔪᓐᓇᑐᕐᔪᐊᖑᔪᑦ, ᓲᕐᓗ ᓂᕿᑦᓯᐊᕙᓕᕆᓂᕐᒧᑦ ᐊᒻᒪᓗ ᐅᖁᒪᐃᓐᓂᓂᐊᕐᕕᖕᒥ ᐋᓐᓂᐊᓯᐅᖅᑏᑦ, ᐃᖅᑲᓇᐃᔭᖃᑎᖃᑦᑕᖅᑐᑦ ᓄᓇᓕᓐᓂ ᖃᐅᔨᔭᐅᑎᑦᓯᒋᐊᒃᑲᓂᕐᓂᕐᒥᒃ ᖃᓄᐃᓐᓇᖏᑦᑐᓂᒃ ᐊᒻᒪᓗ ᖃᓄᐃᓐᖏᑦᓯᐊᒃᑲᓐᓂᕈᑎᒃᓴᓂᒃ ᐃᓕᓐᓂᐊᑎᑦᓯᓂᒃᑯᑦ ᐊᔪᓐᖏᑕᒥᓂᒃ ᐊᑐᖅᑕᐅᑲᓐᓂᑎᑦᓯᖃᑦᑕᓂᒃᑯᑦ. ᐱᓕᕆᕝᕕᐅᔪᖅ ᑕᑯᓇᒐᓱᐊᖃᑦᑕᕐᒥᔪᖅ ᐱᖅᑯᓯᐅᔪᓂᒃ ᐊᒻᒪᓗ ᒐᕙᒪᒃᑯᑦ ᐊᑐᓕᖅᑎᓯᒪᔭᖏᓐᓂᒃ, ᐱᖁᔭᓂᒃ ᓲᕐᓗ ᒐᕙᒪᒃᑯᑦ ᐸᐸᑦᑎᔨᐅᔪᑦ ᐊᒻᒪᓗ ᐊᑐᐃᓐᓇᐅᑎᑦᓯᓂᖅ ᐃᓅᓯᓕᕆᓂᕐᒥᒃ ᐃᓘᓐᓈᓂ ᓄᓇᒋᔭᑦᑎᓐᓂ.
ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑐᕌᒐᓕᐊᕆᓯᒪᔭᖓ:- ᐱᐅᓯᕚᓪᓕᖅᑎᑦᓯᓂᖅ ᐃᖢᐊᖅᓴᐃᔾᔪᑎᓂᒃ ᓄᓇᕗᒻᒥᐅᓄᑦ.
- ᐊᑐᐃᓐᓇᐅᒪᑎᑦᓯᓂᖅ ᐃᑲᔫᑕᐅᔪᓐᓇᖅᑐᓂᒃ ᑭᒃᑯᑐᐃᓐᓇᕐᓄᑦ, ᐃᓚᒌᓄᑦ ᐊᒻᒪᓗ ᓄᓇᓕᓐᓄᑦ ᐃᓱᒪᓕᐅᕈᑕᐅᔭᕆᐊᓕᓐᓂᒃ ᑐᑭᑖᕈᑎᖃᕋᓱᐊᖅᑎᓪᓗᒋᑦ ᓱᕐᕋᐃᒍᓐᓇᖅᑐᓂᒃ ᐃᓗᓯᖏᓐᓂᒃ, ᖃᓄᐃᓐᖏᑦᓯᐊᕐᓂᖏᓐᓂᒃ ᐊᒻᒪᓗ ᒪᑭᒪᔪᓐᓇᕐᓂᖏᓐᓂᒃ ᓇᖕᒥᓂᖅ.
- ᑐᓂᓯᓯᒪᓂᖅ ᑲᑎᑕᐅᓯᒪᔪᓂᒃ ᐊᒻᒪᓗ ᑲᑐᔾᔨᖃᑎᒌᓐᓂᒃᑯᑦ ᖃᓄᐃᓐᖏᑲᓐᓂᓂᕐᒥᒃ ᐃᓗᓯᕐᒧᑦ ᐊᒻᒪᓗ ᐃᓄᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ, ᐃᓚᒋᓄᑦ ᐊᒻᒪᓗ ᓄᓇᓕᓐᓄ.
- ᖃᓄᐃᓐᖏᑲᓐᓂᕈᑎᒃᓴᓂᒃ ᒐᕙᒪᒃᑯᑎᒍᑦ ᐊᑐᐊᒐᓕᐅᕐᓂᖅ..
- ᑕᑎᒃᓴᐅᔪᓐᓇᕐᓂᖅ ᓵᑦᑕᐅᓯᒪᒃᑯᑦ ᑭᐅᑦᑕᕈᓐᓇᑦᓯᐊᕈᓐᓇᓂᕐᓗ ᐃᓄᖏᓐᓄᑦ ᓄᓇᕗᑦ. ᑐᓂᓯᓯᒪᓂᖅ ᐃᓱᒪᖅᓱᕈᓐᓇᕈᑕᐅᔪᓂᒃ ᐊᒻᒪᓗ ᐱᐅᓂᖅᐹᒃᑯᑦ ᐱᓕᕆᐊᒃᓴᐅᔪᓐᓇᖅᑐᓂᒃ.
- ᑕᑯᑦᓴᐅᑎᑦᓯᓂᖅ ᐊᑑᑎᖃᑦᓯᐊᕈᓐᓇᕐᓂᖏᓐᓂᒃ ᒐᕙᒪᒃᑯᑦ ᐃᑲᔫᑎᒋᖃᑦᑕᖅᑕᖏᓐᓂᒃ.
- ᖃᓄᐃᓐᖏᒃᑲᓐᓂᕈᑎᒃᓴᓂᒃ ᖃᐅᔨᒪᔭᐅᒋᐊᒃᑲᓂᖅᑎᑦᓯᓂᖅ ᐊᒻᒪᓗ ᓴᐳᔾᔭᐅᓯᒪᒍᑎᒃᓴᓂᒃ
- ᖃᐅᔨᓴᕐᕕᖃᖅᑎᑦᓯᓂᖅ
- ᑭᒍᑎᓕᕆᔨᖃᖅᑎᑦᓯᓂᖅ
- ᖃᐅᔨᓴᖅᑕᐅᔾᔪᑏᑦ ᑕᕐᕋᑐᖅᑕᐅᕕᖃᖅᑎᑦᓯᓂᒃᑯᑦ
- ᐃᓱᒪᓕᕆᕕᖃᖅᑎᑦᓯᓂᖅ
- ᐄᔭᒐᖅᑖᕐᕕᖃᖅᑎᑦᓯᓂᖅ
- ᓄᑕᖅᑲᓄᑦ ᐃᓚᒌᓄᓪᓗ ᐃᑲᔪᖅᑕᐅᕕᖃᖅᑎᑦᓯᓂᖅ
- ᓂᕿᑦᓯᐊᕙᓕᕆᓂᖅ ᑎᒥᒧᓪᓗ ᐊᑐᓂᕐᓕᓐᓂᒃ ᐱᔨᑦᓯᕋᐅᑎᖃᖅᑎᑦᓯᓂᖅ
- ᒪᒥᓴᕐᕕᖃᖅᑎᑦᓯᓂᖅ ᖃᓄᐃᒍᑕᐅᔪᓄᑦ
- ᐅᐃᕆᓯᒪᓇᖅᑐᓄᑦ ᐃᑲᔪᖅᑕᐅᕕᖃᖅᑎᑦᓯᓂᖅ
- ᐊᖏᕐᕋᒥ ᐃᑲᔪᕈᑎᒃᓴᑦ ᐊᒻᒪᓗ ᐃᑲᔪᖅᑕᐅᔾᔪᑎᒃᓴᖃᖅᑎᑦᓯᓂᖅ
- ᐃᓄᓕᕆᔾᔪᑎᖃᖅᑎᓯᓂᖅ
- ᐋᓐᓂᐊᕐᕕᖃᖅᑎᑦᓯᓂᖅ ᐅᖁᒪᐃᓐᓂᓂᐊᕐᕕᖕᓂᒃ
- ᐃᕐᓂᓱᑦᓰᓂᕐᒧᑦ ᐱᔨᑦᓯᕋᐅᑎᖃᖅᑎᑦᓯᓂᖅ
- ᓄᓇᓕᓐᓂ ᐋᓐᓂᐊᕐᕕᒃᑎᒍᑦ ᐃᖢᐊᖅᓴᐃᔾᔪᑎᓕᕆᔾᔪᑎᖃᖅᑎᑦᓯᓂᖅ
- ᐊᐃᑦᑐᓗᑦᑕᐃᒌᒃᑯᑎᖃᖅᑎᑦᓯᓂᖅ ᖃᓂᒪᔪᓄᑦ
- ᑐᓵᑦᓯᐊᖏᑦᑐᓄᑦ ᐅᖃᕈᓐᓇᖏᑦᑐᓄ ᐃᑲᔪᖅᑎᖃᖅᑎᑦᓯᓂᖅ
- ᐊᔾᔨᐅᖏᑦᑐᓄᑦ ᐱᔨᑦᓯᖅᑕᐅᕖᑦ
- ᐊᕙᑎᒋᔭᐅᔪᓂ ᖃᓄᐃᓐᖏᑲᓐᓂᕈᑎᒃᓴᑎᒍᑦ ᐱᔨᑦᓯᕋᐅᑏᑦ
- ᐃᑉᐱᓐᓂᐊᓗᐊᖅᑐᓄᑦ ᐃᑲᔪᕆᐊᕐᕖᑦ
- ᓇᒧᓐᖓᑲᓐᓂᕈᓐᓇᓂᕐᒥᒃ ᐃᑲᔪᖅᑕᐅᔭᕆᐊᓕᓐᓄᑦ ᐱᔨᑦᓯᖅᑕᐅᕖᑦ
- ᐃᐱᓂᐊᓕᖅᑕᐅᑎᓕᓐᓂᒃ ᐃᑲᔪᖅᑕᐅᔾᔪᑏᑦ
- ᑐᐊᕕᕐᓇᖅᑐᓂᒃ ᖁᐊᖅᓵᓇᖅᑐᓂᓪᓗ ᐃᑲᔪᖅᑕᐅᔾᔪᑏᑦ
- ᑐᐊᕕᕐᓇᖅᑐᓕᕆᔾᔪᑏᑦ ᖃᖓᑕᓲᒃᑯᑦ
- ᐋᓐᓂᐊᕐᕕᓪᓚᑦᑖᓂ ᐅᓂᒃᓯᒪᔪᓂᒃ ᐊᒻᒪᓗ ᐋᓐᓂᐊᕐᕕᓕᐊᖅᑕᖅᑐᓂᒃ ᐱᔨᑦᓯᕋᐅᑏᑦ
ᐱᔨᑦᓯᕋᐅᑏᑦ ᐱᓕᕆᐊᒃᓴᓪᓗ ᑐᓂᔭᐅᓯᒪᖃᑦᑕᖅᑐᑦ ᐊᔾᔨᒌᓐᖏᑦᑐᑦ ᓇᓂᑐᐃᓐᓇᕋᓗᐊᖅᐸᑕ ᓄᓇᓕᖏᓐᓂ ᓄᓇᕗᑦ; ᓘᑦᑖᓕᐊᕐᕕᖏᓂ, ᐊᖏᕐᕋᕆᔭᐅᔪᓂ ᑲᒪᒋᔭᐅᔭᕆᐊᓕᓐᓄᑦ, ᓄᓇᓕᕋᓛᕆᔭᐅᔪᓂ, ᓄᓇᓕᓐᓂ ᐊᒻᒪᓗ ᐊᕕᑦᑐᖅᓯᒪᓂᐅᔪᓂ ᐋᓐᓂᐊᕐᕕᖏᓐᓂ ᐊᒻᒪᓗ ᕿᑭᖅᑕᓂ ᐋᓐᓂᐊᕐᕕᖓᓂ, ᐃᖃᓗᓐᓂ.
