ᕿᑭᖅᑕᓂ ᐋᓐᓂᐊᕐᕕᖓ (ᐃᖃᓗᐃᑦ)
ᐋᓐᓂᐊᕐᕖᑦ
ᐋᓐᓂᐊᕐᕕᖃᐅᖅᑐᖅ 25 ᓄᓇᓖᑦ ᓄᓇᕗᓕᒫᒥ, ᐃᓚᒋᔭᐅᓪᓗᑎᒃ ᓄᑖᒃ ᐊᕕᑦᑐᖅᓯᒪᓂᐅᔫᓐᓂ ᐋᓐᓂᐊᕐᕖᒃ ᑲᖏᕐᖠᓂᕐᒥ ᐊᒻᒪᓗ ᐃᖃᓗᑦᑑᑦᑎᐊᒥ (ᐅᓂᒃᓯᒪᕕᐅᔪᓐᓇᖅᑑᒃ ᐋᓐᓂᐊᕐᕕᓕᐊᕐᕕᐅᑕᖅᓱᑎᒃ) ᐊᒻᒪᓗ ᐃᓚᖓ ᐊᕕᑦᑐᖅᓯᒪᓂᐅᔪᒥ ᐋᓐᓂᐊᕐᕕᒃ ᐃᖃᓗᓐᓂ. ᐃᖢᐊᖅᓴᐅᔨᓪᓗᐊᑕᖃᖃᑦᑕᖅᑐᑦ ᓘᑦᑕᒻᒪᕆᒻᒥᒃ ᐃᓚᒌᓄᑦ, ᐋᓐᓂᐊᓯᐅᖅᑎᒻᒪᕆᓐᓂᒃ, ᓄᓇᓕᓐᓂ ᐋᓐᓂᐊᓯᐅᖅᑎᓂ, ᐊᒻᒪᓗ ᐃᔭᒐᖅᑖᕕᖃᐅᖅᑐᑎᒃ.
ᕿᑭᖅᑕᓂ ᐋᓐᓂᐊᕐᕕᖓ (ᐃᖃᓗᐃᑦ)
- ᕿᑭᖅᑕᓂ ᐋᓐᓂᐊᕐᕕᖓ, ᑲᑐᔾᔨᖃᑎᒌᒍᑕᐅᓪᓗᓂ ᓴᖅᑭᖅᑕᐅᔪᓐᓇᓚᐅᖅᑐᖅ ᓄᓇᕗᑦ ᒐᕙᒪᖓᓄᑦ ᐊᒻᒪᓗ ᓴᓇᔨᒋᔭᐅᓚᐅᖅᑐᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᒃ, ᒪᑐᐃᖅᑕᐅᓚᐅᖅᑐᖅ ᓇᓗᓇᐃᖅᑕᐅᓪᓗᓂ ᐆᑦᑑᕝᕙ 2007-ᒥ.
- ᑲᑎᓪᓗᒍ ᐊᑭᖃᓚᐅᖅᑐᖅ ᐱᓕᕆᐊᖑᓂᖓ $64 ᒥᓕᔭᓂᒃ.
- ᓄᑖᖅ ᐃᖅᑲᓇᐃᔮᒃᓴᑦ ᓴᖅᑭᖅᑕᐅᓯᒪᓕᖅᑐᑦ ᐊᐅᓚᑕᐅᓂᖓᓄᑦ ᐊᖏᓪᓕᒋᐊᖅᑕᐅᓯᒪᓕᖅᑎᓪᓗᒍ ᐋᓐᓂᐊᕐᕕᒃ. ᑕᒪᓐᓇ ᑐᑭᓕᒃ ᐅᓄᖅᓯᒋᐊᖅᑕᐅᓪᓗᑎᒃ ᐋᓐᓂᐊᓯᐅᖅᑏᑦ, ᐃᖢᐊᖅᓴᐃᔩᑦ ᐆᑕᖅᑎᑦᓯᓂᕐᒧᑦ ᓄᑖᑎᒍᑦ ᓴᖅᑭᖅᑕᐅᕙᓪᓕᐊᔪᑎᒍᑦ, ᑎᑎᕋᖅᑏᑦ/ᑐᓵᔩᑦ ᐊᒻᒪᓗ ᓴᓗᒻᒪᖅᓴᐃᔨᓂᒃ.
- ᕿᑭᖅᑕᓂ ᐋᓐᓂᐊᕐᕕᖓᓂ ᐅᓂᒃᓯᒪᕕᐅᔪᖅ 35-ᓂᒃ ᐃᓪᓕᓕᒃ ᐊᕙᑏᑦ ᐃᓐᓇᕐᓄᑦ ᐊᒻᒪᓗ ᓄᑕᖅᑲᓄᑦ ᐅᓂᒃᓯᒪᕕᒃᓴᑦ ᐊᑐᐃᓐᓇᐅᔪᑦ ᒫᓐᓇ.
- ᓄᑖᒥ ᐋᓐᓂᐊᕐᕕᖕᒥ ᐃᕐᓂᕖᑦ ᐅᓄᖅᓯᕙᓪᓕᖅᓯᒪᔪᑦ ᒪᕐᕉᓚᐅᖅᑐᑦ ᓯᑕᒪᓐᖑᖅᓱᑎᒃ ᐃᓪᓗᕈᓰᑦ. ᐅᓄᕐᓂᖏᑦ ᐅᓪᓗᒃᑯᑦ ᐱᓚᑦᑐᐃᕖᑦ ᐃᓪᓖᑦ ᓯᑕᒪᐅᓚᐅᖅᑐᑦ ᐅᓄᖅᓯᕙᓪᓕᖅᓯᒪᔪᑦ ᐊᕐᕕᓂᓕᓐᓄᑦ.
- ᓄᑖᒥ ᐋᓐᓂᐊᕐᕕᖕᒥ ᐃᓂᖃᖅᑎᑕᐅᓕᕐᒥᔪᑦ ᖃᐅᔨᓴᖅᑕᐅᕕᒃ ᑕᕐᕋᑐᖅᑕᐅᕕᐅᓪᓗᓂ ᐊᒻᒪᓗ ᖃᐅᔨᓴᕐᕕᖕᓂ ᐊᒻᒪᓗ ᓄᑖᖑᓪᓗᓂ ᑐᐊᕕᕐᓇᖅᑐᓕᕆᕝᕕᒃ, ᐱᓚᑦᑐᐃᕕᒃ ᐊᒻᒪᓗ ᓱᓇᒃᑯᑖᑦ ᐅᓪᓗᒃᑯᑦ ᐱᓚᑦᑕᐅᔪᓄᑦ. ᓘᑦᑖᓕᐊᖃᑦᑕᖅᑐᑦ ᑎᑎᕋᖅᑕᐅᓯᒪᕕᖏᓐᓄᑦ ᑐᖅᑯᖅᑐᐃᕕᒃᑕᖃᕐᓂᐊᕐᒥᔪᖅ ᓄᑖᒥ ᐋᓐᓂᐊᕕᖕᒥ.
- ᕿᑭᖅᑕᓂ ᐋᓐᓂᐊᕐᕕᒋᓚᐅᖅᑕᖓ, ᑲᑎᓐᖓᔪᖅ ᐊᒃᑐᐊᓪᓗᓂ ᓄᑖᒧᑦ ᐋᓐᓂᐊᕕᖕᒧᑦ, ᐃᓂᒋᔭᐅᔪᖅ ᓂᕿᑦᓯᐊᕙᓕᕆᔨᓄᑦ, ᐃᔭᒐᖅᑖᕐᕕᒃ, ᐋᓐᓂᐊᕐᕕᓕᐊᖃᑦᑕᖅᑐᓄᑦ ᐃᓂᒃᓴᓕᐅᖅᓯᒪᓪᓗᑎᒃ, ᐃᑲᔪᖅᑕᐅᕝᕖᑦ ᐊᒻᒪᓗ ᓘᑦᑖᒻᒪᕆᐅᔪᓄᑦ/ᓘᑦᑖᕆᔭᐅᔪᓄᑦ ᓘᑦᑖᓕᐊᕐᕕᐅᓪᓗᓂ.
