• English
  • Français
  • Inuktitut
Photo

Naujaaq upingakhami hiqinnaraaluk.

Photo

Nuvuyakkuuqtut kayumiktumik qaritauyakkuurutikkut atavaktut nunat.

Photo

Inuit inulgamiit nutqayuittut qaritauyakkut qiniqhiayut (Doris McKinley piksaliugaa)

Pivikhat

Qaritauyaq

Kayumiktuq qaritauyakkuurutiniinnarialik tamainni nunai. Qaritauyaliriyit Netkaster, NorthwesTel Qiniq-lu (pinnarialgit tamainni nunani). Apiqhilutit havaqatingnik kitu nunami qahariakhaa.

Sympatico hivayaqhugu qaritauyakkuurut ittuq ukunani nunani Arviat, Kingait, Igluligaajuk, Kangiqtugaapik, Salluit, Auyuittuq, Sanirajak, Iglulik, Iqaluit, Kimmirut, Panniqtuuq, Mittimatalik, Naujaat, Tikigaqjuamilu.

Tiivii naalautillu

Alruyakkut tiivii piuminaqtuq tamainni nunani Kuaatigut. Apiqqutigilugit qunngiagakhat tatqiqhiunmilu akiit. Uqaqatigiguvigit havaqatitit, apiqhiumaniarunaqhiutit nuvuyakkuuqtutigut tiivii nakuuyuakhaa talvani nunami.

Ihumaliuruvit aquiqturniaqhutit nuvuyakkuuqtumik tiiviikhamik, uqaqatigilugu tiiviiliriyi iliugaqtaunianik aktilanganiglu niuviqtinatit. Ilangini nunani, Bell ExpressVu nakuutqiaq, ialnginittauq, StarChoice nakuutqiayaupluni. Apirhilutit kitu nakuutqiyauyakhaa.

Tamaitavyak nunat naalautiqaqtut. Nunamiut naalauhiqiyiuyut nkatimayiqaqhutiglu. Inuit tuhagakhait, atuutit, pinguut, aallalu tuharnaarnaqtut naalautikkuqtitauvaktut.

CBC-lu naalangnaqtuq. CBC aviktuqhimayuniittuq Iqaluktuttiami (Kitikmeot) kangiqhinirmi (Kivalliq). CBC Nunavut Iqalungniittuq. Maniqtaqtumiglu naalautilik Iqalungni.

Sirius XM-lu nuvuyakkuurutikkut naalautit pinarialik.

Talafuun

Tamaita nunait talafuutilgit. Ilihimaykhauyutit talafuutit nuvuyakkuurutikkuuqtut, ilaani kinguvaumayutut ittuq unngahiktumut hivayarangat.

NorthwesTel unngahiktunut hivayarutikhalgit. Ihumakhaqhiuqniaqtillutit kitumik piumayarnik, “Unngahiktumut Hivayarnirmut Naahautilik” qaritauyakkurvianni ataani Inmi Unngahiktumut Hivayarnirmut Naunaiyautit.

Uma titigaqtaunaini talafuutinnuat (Bell) nakuuyut Iqalungni kangiqhinirmilu. Ukiuqtamut nuutiqtinatit qinirlutit autsaimi talafuutinnuat nakuuniariakhaa Nunavunmi.

Niuvirniq

Niuvaaniq amihuni nunani ayurnaqtuq. Tamaita nunait niuvirvilgit Nuatan Niuvirviannik Kuaamigluuniit tamarmingnikluuniit. Ukua niuvirviit nivuirnaqtut niqinik, iglumtu tamayanik, aannuraanik tamainnut ukiunut, atiginik, ulapanik, mikiyunik alruyaqtuutinik, niritjutinik, ulapqiuyanik, havautinik, quyaqtuutiniglu amihunilu hunavalungnik. Kihimi ilaani nunngurutivaktut akiillu akitutqiyauplutik autsaimit.

Amihut nunamiut niuviliqpaktut qaritauyakkut, aturhugu “Niqinik Titigaqarvikkut” agyaut aquiqtuqhutiglu “umiakkut” akikhilaarutivaktut ukiukhamullu naatjutivakhuni.

Havaktut ihumagiumaniarunaqhivait ukuat:

1. Niqinik Titigaqarvikkut – atuqtauvaktuq hunngiinnaqtaqtut niqit hunngilaittullu niqit agyaqtauvaktut akikitqiakkut angiyunit nunanit Winnipeg-tut, Atuvatut yalunaitullu.

Apirilugit havaqatitit atiinnik humiittakhaitalu ukua niuvirviit atuqtut Niqinik Titigaqarvikkuuqtunik nunangnut. Uqaqaqtigilugu niuvirvik aquiqtuqtauttaqtunik uhitjutainniglu. Tamaita Niqit Titigaqarvikkuurniatut akiliriiktauyarialgit.

2. Umiakkut Aquiqtuat – aquiqturlutit havigalingnik, paniqtanik, qiqumayuniglu uhiyauyukhanik ilingnut nunangni auyami. Takulugu “Umiakkut/Aquiqtuagat” ataani ilitturiyumirumaguvit.

Niuviinnarialiglu Nuatanmit, Northmart-mit Kuaanillu. Amihut nunait Nuatanqaqtut Kuaaqaqhutiglu. Niqit nakhaktatit qiuqutingni kinguvaklutik tikittaqtut uqumaittuni agyaqtauyumik. Ukua akiqarniaqtut uhitjutait tingmitinit.

Niqit nunamit (ilaani taiyauvaktut “nunamit niqit”) tuktu, umingmak, iqaluk, tingmiaq niuviqtauvaktullu nunani kihimi hanaqiyauhimanngittut niuviqtauyukhatut. Ikittut nunat niqiliqiviqaqtut.

Aularniq

Aularniq nunait aallanut tingmikkut upittunilu tingmiumalirangat akituqpiaqtuq. Nunamiut parnaiyariiqpaktut tingmivikhamingnik akikitqiamik.

Hila ihumagiinarnaqtuq ukiuqtaqtumi tingmiunut tingmiqattaqtut ayuirutihimayut angumatihimanarhuarnirmik tingmivikhanut autsaimut.

Iliharniq

Nunavut Inirniit Iliharviat (NAC) nayugaqaqhutik iliharvilik Iqalungni, Iqaluktuttiami, Kangiqhinirmilu. Afisilluangat Arvianiittuq. Nunavut Inirniit Iliharviat kaffinik aanniarnaqtuqanngittulirinirmut ilihagakhalik Ihumakluliriniq, Inuliriniq, Hanayiniuniglu Nutaganiktiqtunik.

Iliahrvik iliharviuyurlu naunaitkuhiqtaarutinik Munaqhiunirmut Ilihaiyiunirmiglu. Nunavut Inirniit Iliharviat panariiktuq malrungnut iliharvikyuanut iliharviupluni ilihaiyiunirmut (University of Regina) munaqhiunirmullu (Dalhousie University).

Malruk innuk hitamallu Nunani Iliharviit ittut nunani Nunavunmi. Ukua aulayut Nunavut Inirniit Iliharvianit. Iliharviuyut ilihaqtut ilittuqhauviit, ayuirharviit havaakhanullu parnaiyaiviit ilihaqhimmaaqtunullu.

Ilautilugu amihut iliharvikyuat iliharviunnaqtut ungahiktukkut ilihautitigut. Hamna apqutikhat inungnut ayuiqhaqyumiyumayunut inmiluuniit ayuirumayaminik ilihariami.

Nukakhiit angayukhiillu iliharviit ittuq nunani. Iliharviit nutaqqanut aulapkaktauyut Nunami Katimayinit. Hivayarvikahit Katimayiit nunangni naninnaqtut Kavamatkut tunnguyuqtut makpirviinni talafuutit nampainni ataani “Iliharniq”.

Vuivuitut uqauhikkut iliharviit (nukakhiit angayukhivyaillu) hadja Iqalungnituaq iliharviuyuq.

Taiguarviit

Taiguarviit ittut nunani inungnut taiguarviqaqhutik uvvaluuniit akiitumik aturviqaqhutik taiguakhanik aturumayunut Nunavut Taiguarviliriyiinnit. Nunat taiguarviqanngitpat, Atuinariaqaqtut Titigaqarvikkut. Ilitturigumirumaguvit haffuma mighaagut, hivayarlugu 1-867-793-3351, pularluguluuniit qaritauyakkuurviat: www.publiclibraries.nu.ca titigarvigilugilluuniit uvunga.
Borrower by Mail Program
Nunavut Public Library Services
P.O. Box 270
Baker Lake, Nunavut
X0C 0A0

Ulapqiniq

Naunaitkutiqaliqpaktut nunat ulapqitjutikhanik. Qinirlugit nivingaviit hamalatkunilluuniit ulapqipkaiyiit huliukhanik hivayarlugu. Inmikkut huliumayullu inmingnik ihuaqhailiqpaktut huliluqaarutikhamingnik. Apirhuivaglutit.

Maniqarviit

Maniqarviit Nunavunmi ikittunuat. Maniqarviit-ittut ukunani nunani:

Iqaluktuttiaq (Cambridge Bay) – Royal Bank
Iqaluit – CIBC, Royal Bank
Kangiqhiniq (Rankin Inlet) – CIBC, Royal Bank

Aallani nunani, Nuatan Niuvirvik Kuaallu mnaikhakhaktarvilgit. Ilitturiyumirumaguvit Nuatan maniqarviitigut, qinirlugu qaritauyakkuurviat "http://www.northwest.ca". littuqhrviit Kuuatigut uvanittauq "http://www.arcticco-op.com". Htirilutilluuniit maningnik maniqarvingnit. umi nunaqaraluaruvit atuinariaqaqtutit qaritauyakkur maniliqinirmik akiliqtuilutit nuu.

Nuutinnatit, uqaqatigiumaniarunaqhivat atanguyakhat ilitturinahuarlutit hunat qahariakhaita nunaginiaqtarni.

Maniinnatigut atukkiqtuutitigullu akiliqtuutigiyauliqpaktuk. Manikhaktarviit ittullu nunani.