Munaqhit ihumagiquyauvaktut akiliqtuilutik tamayalingnik igluqarnirmik. Nuutirinik inmi tamayaminik Nunavunmut akituqpiaqtaqtuq.
Iglukhat
Aanniarnaqtuqanngittuliriyit Inuliriyillu Nunavut Igluliriyiqyaungillu ikayuqpaktut munaqhinik iglukhaqhiuqtunik. Nunavunmi 56 iglukhaq turaqtitauhimayut aanniarnaqtuqangilirinirmi havaktunut ukualu ittutik pingahuni aviktuqhimayuni – Qikiqtaaluk, Kivalliq, Kitikmeollu. Ukua iglukhat naammakpaktut iglukhakhiuqtunut tikinniaqtunut munaqhikhanut. Amihut aanniarnaqtuqanngittulirinirmi havaktut Nunavunmi ilangani hamaniinnirmingni nanmini qigluqaqpaktut, uvvvaluuniit, angitqiani nunani, akiliqtuiplutik igluqaqhutik.
Igluqpait igluqaliqpaktut atauhirmik, malrungnik pingahunigluuniit atayuni, malrunguyuni pingahuuyuniluuniit. Igluqpait inmi atuinnarialik ilaani kihimi igluqatiqarialik. Ayurnaitpat qanuq igluqarumayainnut pinahuaqpaktugaluit.
Akiliqtuiplutik igluqaqtunut akiit ikayuqtauqpiaqtut kavamanit. Kihimi, munaqhinut tikinniaqtunut ilanginit Kanataup akikinninit, ukua munaqhit ilitturiniaqtut akitutqiamik akiliqtuqpagamingnit. Imaa akiqaqpaktut akiliqtugat igluqpait:
Atauhiq igluaq - $1,200
Malruuk igluak - $1,500
Pingahut igluat - $1,800
Tamayaqaqhutik ikpanmik, ikhivautanik takiyunik ikhivautanik angiyuniglu ikhivautanik, iglinik aannuraaqarvinik, niqinut niglaumavik, ingnirvik, aannuraanik uaqhivik/panirhiiviglu quliillu. Tamayani ilanngittut niqiliurutit, niritjutit, utkuhiit, kaafiliurutit, hunigluliqaak.
Tamavyak igluqpaup uunqutaata akia ilautihimayuq igluqpaup akianut. Igluqpangmik atuqtuq akiliqtuiniaqtuq alruyaqtuutinik, imaqtuutinik, immakuuganik, talafuunmik, tiiviikkuurunmik qaritauyanullu.
Munaqhit pittaqtut tamayalingmik tamayaittumigluuniit igluqpangmik. Tatqiqhiunmi akia akikhilaarniarunaqniuq $40-$90-mut tamayaittunut.
Igluqpait akiit piiyaqtauvaktut havaktup akiliuhiaganganit.
Nuanvunmi Igluliriyiqyuat ikayurniaqtut kimigliqaak igluqatikhaqarumayunik akituvallaarnaittumik inminut.
Munaqhit ihumaquyauvaktut iglukhaqqaquyauplutik tamayalingnik. Nuutiriniq inmi tamayainnik Nunavunmut akituqpiarniaqtuq. Munaqhit tingminiaqhutik tikinniaqtuq uhitjutikhaqaqtitauvaktut tamayamingnut, angirutikkut, kihimi hamna naamanngittuq iglukhamut.
Ilihimayauyuglu ilaani inuit utaqqivaktut siksinik santiuninik tamayatik tikittukhanik. Tingmitikkut tikinniaraluaqtillugit hivulliunnginmata inungnut qiuqutainnullu tingmiyunut. Nuutirnirnilu aallamut ikiyariaqarunaqhiutit tingminmt. Munaqhit nuutiqtut Nunavunmut uqautjauvaktut nakhaquyauplutik ihariaginiaqtamingnik qiuqutimingnik. Una maliguaquyauvaktuq, puuqtuilutit tangmarniaqtutut – niqiliurutikhannuarnik, halummaqtirutikhannuarnik, aannuraanik upluq tamaallu aturniaqtarnik.
Piariiqtirnariklutit Iglukharnut
Amihut iglukhat akiliriiriaqanngittut, kihimi ihuaqhariqtakhatit iglutuutikhannik.
Alruyaqtuutiliriyit Nunavut Pauva. Alruyaqtuutait ikumayariirunaqhiut tikitkuvit, kihimi atirnut iliyarialik..
Talafuun qaritauyakkuurutillu tuniyauvaktut NorthwesTel-mit. Ihuaqhaiyariaqaqtutit akiliqtuivikharnik piumaguvigit. Talafuutinnuat nakuuyut Iqalungni, kangiqhinirmi Iqaluktuuttiamilu hadja talfuutinnuat nakuuyunaittunaqhiuq Nunavunmi.
Alruyakkut tiivii pinarialik nunangni tiiviiliriyinit.
Imaq/immaquliriyillu nunami kavamauyunit.
Ilainni nunani Nuatan Niuvirvik Kuaaplu ikayuqtaqtut ihuaqhaiyunik ukuninga. Akiliqtuutikhait iahriahungniaqtut atukkiqtuutikpit nampaanik akiliriiktuumingluuniit.
