BScN Ilihagakhaq

Bachelor of Science Munaqhiurnimi (Ukiuqtaqtumi Munaqhi) panariiktuq Dalhousie Iliharvikyuanganut. Una ilihagakhaq hanayauhimayut ilihaiyaami Inungnik aallaniglu Nunavunmiunik munaqhikhat kiunahuarluni aanniaqtalirinirmi ihariagiyainnut inungnit Nunavunmi. Hivulliit pingahut ukiut ilihaqtauvaktut Nunatta Iliharviani Nunavut Inirniit Iliharvianni Iqalungni.

Ilihagakhat akhuruutut qauyimanirmik piqqamaaruhungnirmiglu Inuit ilitquhiannik parnaiyainiaqhunilu munaqhinik hivulliuqtikhanik aanniaqtailirinirmi Nunavunmi. BScN (Ukiuqtaqtumi Munaqhiuniq) naunaitkut tuniyauniaqtuq Dalhousie Iliharvikyuanganit tunihiniaqhunilu ayuiqtauyukhanik aanniaqtailirinirmi nunait munaqhiqarviinni. Ilihagakhaq hitamani ukiuni inirumi ilihaqtuq iniqhiniaqtuq ayuiriaqaqtaminik Bachelor of Science-mi Munaqhiunirmut, kihimi ilihaqtut iniqtiqtaqtut pingahuni ukiuni nalliutimalutik mikitqiamut naunaitkunmut Munaqhiunirmi. Ilihaqtut aallatqiini munaqhiqarvini ukturniaqtut ayuiqhavigilugit ayuiriaqaqtamingnik aanniaqtailiriniunirmut Nunavunmi.

BScN Iliharniaqqat Itirutikhat:

18-nik ukiuqarluni avatqulluguluuniit
Uqaqtarluni, taiguqtarluni titigaqtarlunilu Inuktitut/Inuinnaqtun (ikayuutauniaqtuq)
Tunihiluni titigaqtaminik ukturumanirmik;
Tunihiluni titigaraanik atanigmini thavarvingmini uvvaluuniit aallmit atanguyamit;
Titigarmik ikayuqtuunmik Aviktuqhimayumi Aanniarnaqtulirinirmut Katimayinit, Nunamini Katimayinit, uvvaluuniit nunamini aanniaqtailiriyimit;
Anigutihimaluni gurit 12-mik naunaitkuhiqtauhimaluni Kihitirinirmi, Qablunaaturnirmi Nalunaqtulirinirmilu; uvvaluuniit nakuuyumik inikhihimaluni Tunngaviuyumik Ukiumik. Atjikkutait ihumagiyauniaqtut.
Aniguutiluni Palihimanit ihivriuqtaunia.