Havaat

Nunavut amihunik aallatqiinik havainnarnaqtunik havakhimmaaqnaqtunik havakaffuktunulluniit munaqhiunirmut havaakhanik angmaumayulik. Angmaumayulik ukturumayunut aanniarvingmi munaqhiliarvingmilu Iqalungni, aviktuqhimayuutiptingnilu Kangiqhinirmi Iqaluktuttiamilu nunanilu munaqhiqarvini.

Nunani Aanniaqtailirinirmut Munaqhi
Aimayunik Munaqhi
Munaqhi Inungnik Takuvaktuq
Munaqhiinnaq
Munaqhi - Aanniarvingmi
Pilaktauvingmi Munaqhi
Qilamiurutauyunut Munaqhi

Nunani Aanniaqtailirinirmut Munaqhi

Aaniaqtailirinirmut Munaqhi ikayuqpaktuq inungnik ilihimapkainahuaqhuni hapumminahuaqhuni utiqtittinirmiglu aannianginirmut. Nunani Aaaniaqtailirinirmut Munaqhi hivituyumik aanniaqtailirinirmut havakpaktuq havaqatigiplugit munaqhiuqatini. Ihumagiyauniaruvit Nunani Aanniaqtailirinirmut Munaqhikhamut, Bachelor of Science-qariaqaqtutit (BScN) uvvaluuniit angiqtauhimayumik atjikkutavyaanik, uvvalu atauhiq malruuk ukiuk ikitqiarinngitainnik aturnirmik munaqhiunirmut ilihagarnik munaqhiunirmiglu aanniarvingmi uvvaluuniit nunami munaqhiqarvingmi. Atiliuqhimalutit ukunani RNANT/NU CPR-miglu ukiuq tamaat naunaitkutiqarlutit. Ilaurutit titigaqtauhimayut atuni havaakhani hakyaiqtauyuni Hadja Angmaumayuni umani qaritauyakkuurvingmi.

Aimayunik Munaqhi

Aimayunik Munaqhi munaqhiuvaktuq ikayuqtiuplunilu inutquanut, aanniaginnaqtunut timikluutiqaqtunullu inungnik. Ihumagiyauniaruvit Aimayunik Munaqhiunirmut piqariaqaqtutit Munaqhiunirmut Naunaitkunmik uvvaluuniit BScN-mik, CPR-qarlutillu nakuuyumik, atiliuqtarlutillu RNANT/NU atiliurvianni, akhaluutinik aqutjutikhaqarlutit, malruungnik ukiungnik havakhimalutit havaktarlutillu nunami inuqaqtumi aallatqiinik ilitquhiqaqtunik.

Munaqhi Inungnik Takuvaktuq

Munaqhi Inungnik Takuvktuq ikayuqtiuyuq hapumminirmi, aanniaqtailirinirmi utiqtittinirmilu aanniarnirmit aanniaqtailinnikhuni ikikliquplugillu aanniarniq, timiglungnk huirniglu. Ihumagiyauniaruvit Munaqhiunirmut Inungnik Takuyiulutit piqariaqaqtutit BScN-mik angiqtauhimayumigluuniit atjikkutavyaanik uvvalu atauhiq malruuk ukiuk ikitqiarinngitainnik aturnirmik munaqhiunirmut ilihagarnik munaqhiunirmiglu munaqhiqarvingmi atjikkutaaniluuniit havarvingmi. Atiliuqhimalutit atiliuqtarlutilluuniit RBANT/NU-kuni, CPR-qarlutillu nakuuyumik, akhaluutinik aqutjutikhaqarlutillu.

Munaqhiinnaq

Munaqhiinait aanniarvingmi havakpaktut hitamani havagvini - Igluqarvingmi, OPD-mi/Qilamiurvingmi, Aanniaqtunik Munaqhinirmi Pilaktauvingmilu. Munaqhit aanniarvingmi havakniarnahugiyauyut qaliriiktunik havaaqarlutik. Aghuruutiqaqtut naunainnaqtumik munaqhit kilamik hunngiutittaqtut aallatqiinut aanniarnirnut munaqhiunirmullu. Atiliuqhimalutit atiliuqtarlutilluuniit RBANT/NU-kuni, CPR-qarlutillu nakuuyumik.

Munaqhi – Aanniarvingmi

Aanniarvini munarhit havakpaktut hingaiyani, nutaqqani, aanniaqtuni/pilakhiqtuni huirnialiqtunilu aanniarvingmiitunik. Havakpaktut 12-ni ikarnini himmautigiikhutik. Aanniarvini munarhit piqariaqaqtut munaqhiunirmut naunaitkunmik atauhirmiglu ukiumik havakpakhimalutik aallatqiinik aanniarutiqaqtunik CPR-miglu naunaitkutiqarluni. Hingaiyani nutaqqanilu havkapakhimagumik nakuutqiyauniaqtuq.

Pilaktauvingmi Munaqhi

Pilaktauvingmi munaqhit munaqhivaktut Pilaktauvingmi Pilaktauvingmit Tupakhirvingmiluuniit. Ilanni, Pilaktauvingmi munaqhit munaqhiuyariaqaqtut Inirniit Nutaqqalu nayugainni aanniarvingmi. Pilaktauvingmi munaqhit naunaitkutiqariaqaqtut munaqhiunirmut, nakuuyumiglu CPR-mut atauhiugaluamiglu ukiumik havakhimaluni Pilaktauvingmi. Ilihattiaqhimayarialik Pilakvingmi havangnirmik munaqhiunirmik iliharuiraluarumi.

Qilamiurutauyunik Munaqhi

Munaqhit havaktut Qilamiurutauvingmi takuyiuplutik munaqhivaktut aanniaqtunik qilamiurutauyunik aanniaqtunik agyaqtup akhaluutaagullu agyaqtauyunik. Munaqhiunirmut naunaitkutiqariaqaqtuq ilihaqtaminit hadjalu CPR naunaitkunmik ikitqiyarinngitaaniglu malrungnik ukiungnik aannianginaqtunik munaqhiunirmut, ilautilugu atauhiugaluaq ukiuq qilamiurutauyuni havangnirmik, havakhimayariaqaqtuq. Ihumagiyaulluarniaqtuq munaqhit iniqhihimayut Aanniaqtunik Ihivriurinirmik, Qilamiurutauyunik Munaqhinirmik, ALCS-mik PALS-miglu.

Aallat munaqhiunirmi atanguyauniq, Ilihainiq, Hanayiuniq Nutaraniliqtunik Munaqhiinauniglu qanurliqaak turangayunik ilihaqhimanirmut munaqhiunirmik angmaumayullu unatut Ihumakliuqtunut Munaqhiuniglu qahaktut.