Nunavut munaqhiit ikayuqpaktut upluq tamaat.
Aaniaqtailirinirmi Havaariyauyut
Nunavut Aanniarnaqtuqanngittuliriyiit aallatqiinik aulayuqaqtut pivikhaniglu ukunani:- Aaniaqtailiniq aanniaqtuniglu munaqhiniq, tamarmik aanniarvini akhaluutinilu.
- Ilaruhiinut
- Ihumami aanniaqtailinirmut
- Aanniaqtailinahuarniq hapumminiglu
- Aanniqtailiniq
Havarvik qiniqhimmaaqtuq nutaanik ahiagullu munaqhinikhamik aanniaqtailinirmi Nunavunmi angiyumi aallatqiiktumilu aviktuqhimayumi. Talafuutikkut taktiliqiniq nunani ahiagut aallatqiitigut munaqhinnaqhitiuq, inuliqinirmilu aulayunik pivikhaniglu talafuutikkut katimanikkut iluani hilataanilu Nunavut.
Havarviup havaqatigivagait kavamatuqatkut aulapkainirmi aulayunik Brighter Futures-tut pivalliutinahurittutik timikkut, ihumakkut inuuhirmilu naammakniannik Nunavunmiut, Kanatami Hingaiyat Nirittiarniannut Aulayuq manikhaqautivaktuq nunani timiqutauyunut aulayuqaqtunik pivikhaqaqtittiuniglu qayagiyauyunik hi ngaiyanik arnanik. Havaktullu piliriut higaguiyarnirmut, ilumiuttat imirnirmit aktumaniinnut, inminiiqtailinirmut, ihumami kigutinilu aanniaqtailinirmut. Aanniaqtailiriyit ayunngittut, nirittiarniq inungniglu takuyiuniq, havaktut nunani aanniaqtailirinirmi naammaknirmilu ilihainikkut ayuiqhainikkullu. Havarvik kamayiuyuglu inuit pitquhiitigut maligatigullu tiguarnirmik, munaqtiuvakhutiglu nutaqqanik inuliriyiuplutiglu humiliqaak aviktuqhimayumi.
Nunavut Aanniaqnaqtuqanngituliriyiit Inuliriyiillu imaa piniaqhimayut:- Nakuuhiyumirahuarlugu aanniaqtailiniit Nunavunmiut.
- Ikayuqtuqtunik avatiqaquplugit inuit, ilahuriit nunallu ihumakhakhiurnirmik aktumayutigut aanniaqtailiniinnut naammakniinnut inmiguurniinnullu.
- Aulapkailutik avugiiktunik ihuaqhainirmiglu aanniaqtailinirmut inulirinirmullu pivikhanik inungnut, ilahuriinut, nunanullu.
- Piqarlutik aanniarnaqtuqannginirmut inungnut atuaganik.
- Kivgaqtuilutik kiuyariaqarlutiglu inungnut Nunavunmi. Aulapkailutik qutyaumanngittunik nakuuqpiaqtuniglu aulayukhanik.
- Takuhiurilutik ihuaqtunik aturnirmik inungnit pivikhanik.
- Aanniarnaqtuqarnaittumik kulvaumatittiniq hapumminiglu
- Ihivriuqtaunirmut pivikhaqaqhutik
- Kiguhiqinirmut pivikhaqaqhutik
- Ihivriuqtaunirmut timiup iluanik pivikhaqaqhutik
- Ihumami aanniarutauyunik pivikhaqaqhutik
- Havautiqarvingnik pivikhaqaqhutik
- Nutaqqanut qitungariinut pivikhaqaqhutik
- Nirittiarnirmut niqittiarliriyiniglu pivikhaqaqhutik
- Timikliqhimayunut ikaiqharnirmut pivikhaqaqhutik
- Ayurihimayunut ayurhautiqaqtunut pivikhaqaqhutik
- Aimavingni ikayuqtiqaqhutik munaqtikhaqaqhutiglu
- Inuliriyiqaqhutik
- Inuit aanniaqtailiniinnut pivikhaqaqhutik
- Nutaranikviqaqhutik
- Munaqhiliarviqaqhutik
- Aanniarutiniktailinirmut pivikhaqaqhutik
- Hiutjariknirmut uqayungnirmullu pivikhaqaqhutik
- Turangayunik pivikhaqaqhutik
- Avatimit aanniarnaqtuqanngittulirinirmut pivikhaqaqtut
- Huiqyuqiliqtunik munaqhiviqaqhutik
- Taktiliqivikhanik ihuaqhaiyiqaqhutik
- Huiyuqittunik munaqtuiyunik munaqhiniq
- Qilamiurutauyuliriyiqaqhutik
- Aullautjiqaqhutik
- Aannianginaqtunik aaniarvingmi aimavingmiluuniit munaqtiqaqhutik
Pivikhat aulayullu aulapkaktitauyut aallatqiini nunani Nunavunmi; munaqhiliarvini, aimaviinni, maniqqaviumiinni, nunani aviktuqhimayunilu munaqhiqarvini, Qikiqtanilu Aanniarvingmi Iqalungni.
