ᓄᓇᕗᒻᒥ ᐋᓐᓂᐊᓯᐅᖅᑏᑦ
ᑖᓐᓇ ᐱᓪᓗᑯᒋᐊᓕᓐᓂᒃ ᐃᖢᐊᖅᓴᐃᔨᒻᒪᕆᐅᓂᕐᒥᒃ ᖁᕕᐊᒋᔭᓕᒃ ᐱᕝᕕᒃᓴᖃᖅᑎᑕᐅᓂᕐᓂᒃ, ᐱᔭᕐᓃᑦᑐᓂᒃ ᐊᒻᒪᓗ ᐃᑲᔫᑎᖃᕈᓐᓇᖅᑐᓂᒃ ᐅᖓᓯᑦᑐᒥᐅᑕᕐᓄᑦ ᐊᒻᒪᓗ ᐅᑭᐅᖅᑕᖅᑐᒥ ᐋᓐᓂᐊᓯᐅᖅᑎᐅᓂᕐᒥᒃ. ᓄᓇᕗᒻᒥ ᐋᓐᓂᐊᓯᐅᖅᑎᕗᑦ ᓱᕐᕋᐅᑎᑦᓯᐊᖃᑦᑕᓲᖑᕗᑦ ᓄᓇᓖᑦ ᖃᓄᐃᓐᖏᑲᓐᓂᕈᑎᒃᓴᖏᓐᓄᑦ ᐊᒻᒪᓗ ᐋᓐᓂᐊᔪᓂᒃ ᐃᑉᐱᒍᓱᑦᓯᐊᖃᑦᑕᓂᕐᒥᒃ ᖃᐅᑕᒫᑦ. ᐊᑏᑐᖅ ᐃᓚᒋᔭᐅᔪᒪᓂᕐᓂᒃ ᐃᓱᒪᒃᓴᖅᓯᐅᕈᑎᖃᕆᑦ.
ᓱᒻᒪᑦ ᐃᓱᒪᒃᓴᖅᓯᐅᕈᑎᒋᒋᐊᖃᖅᑲᕋ ᐋᓐᓂᐊᓯᐅᖅᑎᐅᓂᖅ ᓄᓇᕗᒻᒥ? ᖁᔭᓇᖅᑐᒥᒃ ᐃᖅᑲᓇᐃᔮᖃᕐᓗᑎᑦ ᐃᖅᑲᓇᐃᔭᖃᑎᖃᕐᓗᑎᑦ ᓄᓇᕗᒻᒥᐅᓂᒃ ᐊᖏᔪᕐᔪᐊᒻᒪᕆᐊᓗᒻᒥ ᐊᕙᖕᒧᓕᖓᔪᓂᒃ, ᓱᕐᕋᑦᓯᒪᓐᖏᑦᑐᒥᒃ, ᐊᔾᔨᐅᖏᑦᑐᒻᒥ ᑲᔾᔮᓇᕐᓂᖓ ᑲᓇᑕᒦᖃᑕᐅᔪᒥᒃ. ᓄᓇᕗᒻᒥ ᐋᓐᓂᐊᓯᐅᖅᑏᑦ ᐅᑭᐅᖃᑎᒌᓐᖏᑐᒻᒪᕆᐅᔪᑦ ᑲᑎᓯᒪᒍᑎᖃᖅᑐᑎᑦ ᐊᑕᐅᓯᕐᒥᒃ ᐱᔾᔪᑎᖃᖅᑐᑎᒃ ᖃᐅᔨᓇᓱᐊᕐᓂᕐᒥᒃ, ᖁᕕᐊᒋᔭᖃᕐᓂᕐᒥᒃ ᐃᓅᓯᕐᒥᒃ ᐱᔭᕆᐊᑭᓐᓂᖅᓴᒥᒃ ᐊᒻᒪᓗ ᓇᖕᒥᓂᖅ ᒪᑭᒪᔪᒪᓗᑎᒃ ᐃᓅᓯᕐᒥᓂ. ᐃᒫᒃ ᐃᖅᑲᓇᐃᔮᖃᖔᕋᓗᐊᕈᕕᑦ ᑕᒫᓂ ᐊᑑᑎᓚᐅᖅᓯᒪᒍᒪᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᕆᓂᐊᕈᒪᓪᓗᒍ ᐃᖅᑲᓇᐃᔭᕐᓂᓕᒫᕐᓂ, ᓄᓇᕗᒻᒥ ᐋᓐᓂᐊᓯᐅᖅᑎᐅᓂᖅ ᐊᑐᐃᓐᓇᐅᒪᑎᑦᓯᕗᖅ ᖁᕕᐊᓇᖅᑐᒥᒃ ᐱᕝᕕᒃᓴᖃᖅᑎᑕᐅᓂᕐᒥᒃ ᐊᔪᓐᖏᓯᐊᖅᑐᓂᒃ ᐊᔪᓐᖏᔾᔪᑎᓕᓐᓂ ᐃᖅᑲᓇᐃᔭᕐᕕᐅᔪᒥ.
ᒫᓐᓇᐅᑎᓪᓗᒍ ᐃᖅᑲᓇᐃᔭᕐᕕᒋᔭᐅᔭᕆᐊᓖᑦ ᐃᓐᓂᑕᐅᓯᒪᓐᖏᑦᑐᑦ ᐋᓐᓂᐊᓯᐅᖅᑎᑖᕆᐊᓖᑦ ᐋᓐᓂᐊᕐᕕᑦᑎᓐᓂ ᐃᖃᓗᓐᓂ ᐊᒻᒪᓗ ᐋᓐᓂᐊᕐᕕᕋᓛᓂ ᓄᓇᓕᓐᓃᑦᑐᓂ.
  ᓄᓇᕗᒻᒥ ᐋᓐᓂᐊᓯᐅᖅᑏᑦ ᐱᐅᓂᖅᐹᖑᔪᑦ ᑮᓇᐅᔾᔭᒃᓴᐅᑎᒃᑯᑦ ᑮᓇᐅᔾᔭᒃᓴᕐᓂᖏᑦ ᑲᓇᑕᒥ, ᐃᓚᖃᖅᑐᑎᑦ ᐊᖏᓈᖅᓯᒪᔪᐊᐱᓐᓂᒃ ᖁᔭᒋᔭᐅᔾᔪᑎᑖᕈᑎᓂᒃ ᐃᖅᑲᓇᐃᔭᐃᓐᓇᖁᔨᒍᑎᓂᒃ. |
